Хапарсыз дагъылыв гелип къалсын дагъы олагъа, магъа деп яшырып токътагъан торуна да, оьзю тутулуп къалсын дагъы; оьзю тюшюп къалсын дагъы шондагъы дагъылывгъа.
Сенсендир Исрайылны Къойчусу! Сенсендир Юсупну наслусун къойланыдай алып юрюйген! Къулакъ ас чы Сен. Сенсендир Гьерубимлени уьстюнде олтургъан! Ефремни, Буньяминни, Манассияны наслуларына нюрленген гьалынгда чыгъып къал чы Сен. Къудратынгны гёрсет чи, бизин къутгъарма да гел чи Сен.
Артыкъ макътав этигиз чи Раббибизге, Аллагьыбызгъа, Ону сыйлы тавунда да сужда этигиз чи. Неге тюгюл де, сыйлыдыр Раббибиз, Аллагьыбыз бизин.
Макътап тур чу, Ерусалим, Раббибизни. Алгъыш этип тур чу, Сион, Аллагьынга оьзюнгню.