Раббибизни сёзлери таза сёзлердир, ялынны къап ортасында етти керен иритилип тазалангъан гюмюшдюр.
Къачан болгъунча ичимдеги дертге чыдап турайым мен? Къачан болгъунча гече де, гюн де юрегимдеги къайгъыгъа чыдап турайым мен? Къачан болгъунча душманым менден оьр чыгъып турсун?
Тангладым мен гьакъ герти ёлну, юрегим булан къабул этдим къанунларынгны да Сени.
Адилли гёремен бары да къанунларынгны; гёрюп ярамайман гьар къайсы яман ёлну да мен.
Шогъар пайхаммарлар айтгъан сёзлер бизин дагъы да бек инандырды. Шо сёзлеге сиз танг къатып, юреклеригизде тангчолпан тувгъанча, къарангылыкъда эртен болгъанча ярыкъ береген чыракъгъа йимик янашып, тюз этесиз.
Аллагь сизин оьзюне багъып чакъыргъан умутну, Оьзюню халкъы булан сиз ортакъ этежек варисликни зорлугъун ва бизге, Исагъа иман салагъанлагъа, таъсир этеген Оьзюню къудратыны гьатсыз уллулугъун сизге гёрмеге англав берсин деп дуа этемен. Шо къудрат Аллагь Месигьни оьлюмден тирилтгенде ва Ону кёклерде Оьзюню онг ягъында олтуртгъанда гёрюндю.