Раббибизни сёзлери таза сёзлердир, ялынны къап ортасында етти керен иритилип тазалангъан гюмюшдюр.
Жанымны беклешдирип къоя. Атыны гьюрметинден гертиликни ёлларына салып къоя мени.
Буйрукъларынг шексиз кюйде гертидир. Гьар даимге сыйлыдыр Сени уьюнг, Раббим.
Гьакъ гертидир, адиллидир Ону ишлери; гертидир бары къанунлары да Ону.
Душманларымдан да гьакъыллы этип къойдунг мени Оьзюнгню буйрукъларынг булан Сен, неге тюгюл де мени буландыр шолар гьар заманда да.
Устазларымдан да гьакъыллы болуп къалдым мен, неге тюгюл де ойлашып тураман буйрукъларынгны гьакъында Сени.
Къартлардан да англавлу болуп къалдым мен, неге тюгюл де кютюп тураман къанунларынгны Сени.
Къанун сыйлы. Буйрукъ да сыйлы, гьакъ ва яхшы.
Сыйлы Язывланы сен яш чагъынгдан берли билесен. Олар сагъа Иса Месигьге салгъан имандан таба къутгъарылывгъа элтеген англавну бермеге бола.