Къылыкъсызланы яманлыгъы битип къалсын дагъы, муъминни буса беклешдирип къой дагъы, неге тюгюл де Сен юреклени де, гьакъылланы да сынап къарайсандыр, адилли Аллагьым.
Сынап къара мени, Раббим, тергеп де къара мени; тергеп къара гьакъылымны да, юрегимни де мени.
Мен булай деп айтдым: «Тилим булан гюнагь этип къоймас учун, ёлларымны тергеп турарман мен; алдымда къылыкъсыз токътап тургъан чакъы авзумну енгип сакълап турарман мен».
Сынап чыкъдынг бизин, Аллагьым; гюмюшню иритегендей иритдинг бизин.
Шо сынавлагъа сиз иманыгъыз гьакъ кюйде болсун учун тюшдюгюз. Алтын даимлик зат тюгюл буса да, ону отда сынап къарар. Иса Месигь къайтып гележек заман макътав, белгилилик ва абур алмакъ учун, алтындан кёп де сыйлы болгъан сизин иманыгъыз сыналма ва тасдыкъ этилме тарыкъ.