Давутну йыры. Сагъадыр, Раббим, жаным булан талпынагъаным мен.
Аллагьым! Сагъадыр мен умут этеген. Гьеч илыкъмасман мен, душманларым да мени къайгъымны уьстюнден сююнюп къалмасын дагъы.
Ёлларынгны гёрсет дагъы, Раббим, магъа, сокъмакъларынгдан юрюме де уьйрет дагъы мени.
Уьйрет дагъы, Раббим, Оьзюнгню ёлунга, душманларымны хатири учун тюз сокъмакъгъа да сал мени.
Аллагь ортасындадыр шону; гьеч бюдюремес дагъы шо шагьар: кёмек этер танг булан шогъар Аллагь.
Ёлунга сал чы, Раббим, мени, мен де Сени гьакъ гертилигинг булан юрюп турарман. Алдынгда къоркъув булан яшап турмакъ учун, бютюнлей Сагъа амин болгъан юрек бер чи магъа.
Бары гюнлерибизде биз сююнюп-къуванып болсун учун, тез тойдуруп къой чу зор сюювюнгден бизин.