Раббибиз сакълар ону, оьлюмден де сакълар ону; насипли болуп къалар бу дюньяда ол. Душманланы ихтиярына берип къоймажакъсан Сен де ону.
Гьеч яманлыкъ болмас сагъа, балагь да ювукълашмас уьюнге.
Неге тюгюл де, бары ёлларынгда сени къоруп сакълап турсун деп, малайиклерине буюруп турадыр Ол.
Аягъынг булан ташгъа сюрюнюп йыгъылып къалмасын деп, къолларына алып юрюрлер сени олар.
Яманлыкъны гёрюп ярамагъыз чы, гьей Раббибизни сюегенлер! Оьзюню халкъларыны жанларын аяп сакълап турар, къылыкъсызланы къолундан да азат этер Ол.
Къоруп сакълап турар Раббибиз Оьзюн сюегенлени барысын да, бары къылыкъсызланы буса къырып битдирип къояр.