Раббибиз сакълар ону, оьлюмден де сакълар ону; насипли болуп къалар бу дюньяда ол. Душманланы ихтиярына берип къоймажакъсан Сен де ону.
Жаныбызны оьлме къоймай сакълады Ол, аягъыбызны да къартыллама къоймады Ол.
Неге тюгюл де, бары ёлларынгда сени къоруп сакълап турсун деп, малайиклерине буюруп турадыр Ол.
Аягъынг булан ташгъа сюрюнюп йыгъылып къалмасын деп, къолларына алып юрюрлер сени олар.
Оьрленивню йыры. Сулайманны йыры. Негьакъ загьмат тёгер уьй къурагъанлар, эгер де Раббибиз Оьзю тургъузмай буса шону; негьакъ уяв турар сакълавчу, эгер де Раббибиз Оьзю сакъламай буса шагьарны.
Шо заман ёлунг булан гьеч бир къоркъунчсуз юрюрсен, сени аягъынг да гьеч сюрюнмес.
неге тюгюл де Раббибиз сени булан болар, О сени аягъынгны тузакъгъа тюшме къоймас.