Оьзю сизге къазапланмасын учун, сиз де тутгъан ёлугъузда дагъылып къалмас учун, Огъар гьюрмет этигиз! Неге тюгюл де, узакъ къалмай Ону къазапланыву янып гетме де болур. Насиплидир Раббибизде аркъатаяв табагъанланы барысы да.
Амма Сен, Раббим, алдымдагъы къалкъанымсан, макътавлугъумсан, башымны да Сен гётертип юрютесен.
Раббибизгедир жаныбызны умут этегени: кёмекчибиздир, къалкъаныбыздыр Ол бизин.
Гьей халкъ! Умут этип туругъуз Огъар гьар заманда да, ачыгъыз Ону алдында юреклеригизни. Аркъатаявдур Аллагь бизге.
«Гьар даимгедир зор сюювю Ону!», – деп айтсын дагъы гьали энни Исрайыл.
«Гьар даимгедир зор сюювю Ону!», – деп айтсын дагъы Гьарунну наслулары.
«Гьар даимгедир зор сюювю Ону!», – деп айтсын дагъы гьали энни Раббибизден къоркъагъанлар.
Умут этермен Раббиме, умут этер жаным мени; аркъатаярман Каламына Ону.
Макътав этип тур чу Раббибизге, Исрайылны халкъы! Макътав этип туругъуз чу Раббибизге, Гьарунну наслулары!
Макътав этип туругъуз чу Раббибизге, Левийни наслулары! Макътав этип туругъуз чу Раббибизге, Раббибизден къоркъагъанлар!