Книга Псалтирь Cтих 37 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Псалтирь Ветхий Завет

Ветхий Завет

Бытие

Псалтирь

Притчи

Новый Завет

От Матфея

От Марка

От Луки

От Иоанна

Деяния

Иакова

1. Петра

2. Петра

1. Иоанна

2. Иоанна

3. Иоанна

Иуды

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Откровение

← Предыдущая

Псалтирь

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150

Алгьамдулиллагь! Шюкюр этигиз чи Раббибизге, неге тюгюл де яхшыдыр Ол, неге тюгюл де гьар даим де бардыр Ону зор сюювю.

Ким айтып болур Раббибизни зор ишлери гьакъында, ким билдирип болур бары да Ону макътавлугъун?

Насиплидир адилликни де эсде сакълап туруп, гьар заманда да тюзлюкню болдуруп турагъанлар.

Халкъынга яхшы гёзден къарайгъанда, мени де эсге ал чы, Раббим. Оланы къутгъарагъанда, магъа да кёмек эт чи.

Шо заман мен де танглагъанларынгны кеп чегивюн гёрермен, халкъынгны шатлыгъы булан шатланарман, олар булан да макътанарман.

Гюнагьлар этдик биз ата-бабаларыбыз йимик, жинаятчы ишлени юрютдюк, тюзсюзлюкню де этдик.

Ата-бабаларыбыз Мисриде гьайранлыкъларынгны англап битмеди, кёп санавдагъы рагьмуларынгны эсде сакълап турмады, Сагъа къаршы чыгъып да токътадылар денгиз ягъада, Къызыл денгизни ягъасында.

Амма Ол Оьзюню къудратын гёрсетмек учун, Оьзюню атыны хатиринден къутгъарды оланы.

Буйрукъ этди Къызыл денгизге Ол – шо да къуруп къалды; къурудан йимик оьтгерип къойду терен сувлардан оланы да.

Оьзлени гёрюп ярамайгъанларындан къутгъарды оланы, душманларындан да азат этди оланы.

Сувлар басып къойду душманларын оланы, гьеч бириси сама да къалмады олардан.

Инандылар олар Раббибизни сёзлерине, макътав этип йырладылар Огъар.

Амма узакъ къалмай унутуп къойдулар Ону ишлерин, къаравуллап да турмадылар Ону насигьатын да.

Эт сюйдюлер бек гьасиретли кюйде дангылда, сынап турдулар Аллагьны инсан турмайгъан ерлерде.

Тилеген затын берди Аллагь олагъа, амма къоркъунчлу аврув йиберди олагъа.

Гюлледилер къонушунда Мусаны да, Раббибизни сыйлы къулу болгъан Гьарунну да.

Эки ярылып топуракъ, ютуп къойду Датанны, басып къойду Абирам булан бирче болгъанланы да.

От яллап йиберди олар жыйылгъан ерде, ялын гюйдюрюп йиберди къылыкъсызланы.

Сужда къылмакъ учун бузавну ясадылар Гьорипни янында, сужда къылдылар шо ялгъан аллагьгъа.

Макътавлу Аллагьны от ашайгъан гьайванны суратына алышдырып токътадылар.

Мисриде зор ишлер этген, Гьам топурагъында тамаша ишлер этген, Къызыл денгизни ягъасында да къоркъунч ишлер этген Аллагьын, оьзлени Къутгъарывчусун унутуп токътадылар.

Шо саялы да дагъытарман деди Аллагь оланы, дагъытма да дагъытар эди, эгер де оьзю танглагъан Муса болмагъан буса. Къазапланывунда оланы дагъытып къоймасын деп инандырды Муса Ону.

Гёрюп ярамадылар сююмлю топуракъны олар, инанмай турдулар Ону ваъдасына да.

Хонтурланып турдулар чатырларында оьзлени, тынгламай турдулар Раббибизни авазына да.

Дангылда ер этип къоярман деп оланы, халкъланы арасында ер этип, гьар ерлеге чачып къоярман деп оланы наслуларын, дангылда къырып къоярман деп гётерди къолун Ол.

Олар буса Пегьордагъы Баал деген ялгъан аллагьгъа сужда эте туруп, жансыз аллагьлагъа этилген къурбанланы ашап турдулар.

Ачувландырып да турдулар Аллагьны оьзлени ишлери булан, таун аврув да яйылып къалды оланы арасында.

Шо заман баш гётерип йиберип Пинигьес, дуван этди – ёкъ болуп къалды таун аврув да.

Наслудан наслугъа гьар даимге де муъмин иши болуп токътады бу зат ону.

Ачувландырып токътадылар Аллагьны Мериба булакъланы ягъасында, Мусагъа къыйын гёрме тюшдю олар саялы.

Неге тюгюл де, къазапландырдылар ону ругьун олар, ол да гюнагь этип къойду авзу булан.

Къырмадылар олар Раббибиз оьзлени къыр деп буйрукъ берген халкъланы.

Амма ят халкълагъа къошулуп, олар этеген ишлени этеген болуп къалдылар.

Оьзлер учун тор болгъан ялгъан аллагьлагъа къуллукъ этип турдулар.

Жинлеге къурбан этип турдулар оьзлени уланларын да, къызларын да.

Параллельные места

1. Коринфянам 10:20

Ёкъ, озокъда! Тек имансызлар къурбан этегенде, олар ону Аллагьгъа этмей, жинлеге эте. Мен буса сизин жинлер булан ишигиз болгъанны сюймеймен!

Айыпсыз къан, Гьанандагъы ялгъан аллагьлагъа къурбан этилеген оьзлени уланларыны да, къызларыны да къанын тёгюп турдулар – къан булан мурдарланып къалды топуракъ да.

Мурдарлап турдулар оьзлени этеген ишлери булан, пасатлыкъ юрютюп турдулар этеген ишлери булан да.

Яллап йиберди Раббибизни къазапланыву Ону халкъына, жиргенеген болуп да къалды Ол халкъындан.

Ят халкъланы къолуна берип къойду оланы, оьзлени гёрюп ярамайгъанлар ес болуп къалдылар олагъа.

Оьзлени гьакимлигине де таби этип, душманлары къыйыкъсытып турду оланы.

Кёп керенлер азат этип турду Аллагь оланы, олар буса оьзлени бойсынмайгъанлыгъы булан ачувландырып турдулар Ону, жинаятчы ишлери саялы мысгъылгъа тутулуп да турдулар олар.

Амма оланы агь урувун эшитгенде, оланы къайгъысына къарап турду Ол.

Эсине алып турду олар булан этген разилешивюн, зор сюювюнден къызгъанып да турду оланы.

Оьзлени есир этгенлени барысында да олагъа бакъгъан якъда къызгъанывну уятды.

Къутгъар чы бизин, Раббибиз, Аллагьыбыз. Сени сыйлы атынгны макътап болсун учун, Сени зорлугъунгдан макътанып болсун учун, халкъланы арасындан къайтарып къой чу бизин Сен.

Гьар даим де Раббибизге, Исрайылны Аллагьына макътавлар болуп турсун дагъы! Бары халкъ да: «Амин!» – деп айтып турсун дагъы. Алгьамдулиллагь!

← Предыдущая

Псалтирь

Выбор основного перевода