Къыйын болгъанда Раббиме чакъырыв этдим мен, Аллагьны да атын тутуп сёйледим. Ол да кёклерден туруп мени тавушумну эшитди, мени агь урувум да Огъар етишди.
Яшырып къойма дагъы менден юзюнгню Сен; къазапланып, къулунгну гери уруп къойма дагъы Сен. Кёмекчим болуп турдунг Сен мени; гери урма дагъы мени, къоюп да къойма, Аллагьым, Къутгъарывчум мени!
Сагъа чакъырыв этегенде мен, артгъа багъып къачалар душманларым мени. Билемен Аллагь мени яным экенин.
Юзюнгню яшырма къулунгдан Сени; алгъаса жавап берме магъа, неге тюгюл де къайгъыгъа тюшюп тураман мен.
Сендеги гертилик булан азат этип, эркин этип къой мени. Къулагъынгны ювукъ сал магъа, къутгъарма да къутгъар мени.