Макътанчыкълар Сени гёз алдынгда токътап туруп болмаслар. Сен яманлыкъ этегенлени барысын да гёрюп ярамайсандыр.
Амма Раббибиз гьар даим де пача болуп турар; дуван учун Ол Оьзюню тахын онгарып турар.
Раббибиз Оьзюню адиллигинден таба танылар; къылыкъсыз буса оьз къоллары булан этген ишлери булан тутулуп къалар.
Алгьамдулиллагь! Жыйылгъан муъминлени арасында бютюн юрегим булан шюкюрлюк этип тураман Сагъа, Раббим.
Алгьамдулиллагь! Йырлагъыз чы Раббибизге янгы йырны. Оьзюню халкъы жыйылгъан ерде макътап йырлагъыз чы Раббибизни.
Мени алдыма бары да халкълар жыйылажакъ. Къойчу къойланы эчкилерден айырагъанда йимик, Мен оланы бир-биринден айыражакъман.