Инсанланы ишлерин айтсакъ, Сени буюрувларынга гёре, зулму этивню ёлларындан сакълап турдум мен оьзюмню.
Янгыз бир затны тиледим мен Раббимден, яшавумну бары гюнлерин Раббимни уьюнде оьтгермек учун, Раббимни гёзеллигине къарап турмакъ учун, Ону ибадатханасында ойгъа батмакъ учун – янгыз шо затланы излеп айланаман мен.
Неге тюгюл де, балагь гелген гюн чатырында яшырып сакълар Ол мени, Оьзю турагъан ерни инг де сырлы еринде яшырып къояр мени, яргъа гётерип къояр мени.
Яманланы сокъмагъына тюшме, ачувлуланы ёллары булан да юрюме.
Гьалал адам гьеч бир де бюдюремес, намуссузлар буса ер юзюнде яшап къалмас.
Къазапланывун енгме сюймейген адам эдепсиз хохабаздыр, имансыздыр.