Синагогну башчысы, Иса сонгугюн адамланы сав этгени саялы къазапланып: – Ишлемеге герекли алты гюн бар. Шогъар гёре сав болмакъ учун сонгугюн тюгюл, шо гюнлерде гелигиз, – дей.
Иса дин алимлеге ва фарисейлеге: – Сонгугюн адамланы сав этмеге ихтияр берилеми яда берилмейми? – деп сорай.
Фарисейлени бирлери: – Бу Адам Аллагьдан йиберилип гелмеге кюй ёкъ. О сонгугюнню адатын юрютмей, – дейлер. – Аллагь йиберип гелген адам тюгюл буса, булай аламатланы нечик этме бола дагъы? – дейлер башгъалары. Шону уьстюнден оланы арасында эришивлюк де бола.