Сизин янгы тувгъан гьар уланъяшыгъыз сегизинчи гюн сюннет этилме герек. Шолай наслудан-наслугъа юрюлюп турсун. Сени ожагъынгда тувгъан гьар уланъяш, сени наслунгдан болмай, ят халкълардан сатылып алынгъан буса да, сюннет этилме герек.
Арадан сегиз гюн оьтюп, яшны сюннетлемеге заман болгъанда, ананы къарнында амалгъа гелгинчеге де малайик айтгъанда йимик, Огъар Иса деп ат къоялар.
Малайик буса огъар булай дей: – Къоркъма, Закария! Сени дуанг къабул этилди. Къатынынг Элизабет сагъа бир улан табажакъ, огъар да Ягьия деп ат къояжакъсан.