Мени, Гьакъылны, Раббибиз инг башлап яратгъан.
Аллагьны бирев де, бир заманда да гёрмеген. Ону бизге Атасыны янында болгъан ва Оьзю Аллагь болгъан биргине-бир Уланы танытды.
Бу дюньяны аллагьы болгъан иблис имансызланы гьакъылын тунукълашдыргъан. Шоллукъда, олар Аллагьны келпети болгъан макътавлу Месигьни гьакъындагъы Сююнч Хабарны шавласын гёрмеге болмайлар.
Оьлмесликге янгыз О ес болгъан. Бирев де Ону гёрмеген ва гёрмеге де болмай. О бирев де ювукълашып болмайгъан нюрде яшап тура. Гьюрмет ва къудрат гьар даим де Онуки болсун! Амин.
Уланы Атасыны макътавлугъуну нюрю болуп токътай ва Оьзю Аллагьны барлыгъын гёрсете. Къудратлы сёзю булан О бары затны сакълап тура. Бизин гюнагьларыбыздан тазалап, О кёклерде Оьр болгъан Аллагьны онг ягъында олтурду.
– Исагъа иман салгъанланы Лаодикия шагьардагъы жыйыныны малайигине яз: Амин, гьакъ ва инамлы Шагьат, бары да затны яратгъан Аввал булай дей: