Сени шабагьатлагъанны Мен де шабагьатлажакъман! Сени налатлагъанны Мен де налатлажакъман! Дюньяны бары да халкъларына сенден таба шабагьат болажакъ!
Шо заман Раббибиз Ибрайимге гёрюнюп: – Мен шу топуракъны сени наслуларынга бережекмен, – дей. Шонда Ибрайим гёрюнген Раббибизге къурбанлыкъны салагъан ер къура.
Сен гёрюп турагъан бу бары топуракъны Мен даимликге сагъа ва сени наслуларынга бережекмен.
Мени разилешивюм, сени булан ва сени наслуларынг булан даимликге бегетилип, наслудан-наслугъа берилип туражакъ. Мен сени ва сени наслуларынгны Аллагьы болажакъман.
Сиз пайхаммарланы наслусусуз ва Аллагьны ата-бабаларыгъыз булангъы разилешивню варислерисиз. Аллагь Ибрагьимге булай деген: «Сени наслунгдан таба ер юзюндеги бары да инсанлагъа Аллагь рагьмулу болажакъ».