Сени шабагьатлагъанны Мен де шабагьатлажакъман! Сени налатлагъанны Мен де налатлажакъман! Дюньяны бары да халкъларына сенден таба шабагьат болажакъ!
Сен гёрюп турагъан бу бары топуракъны Мен даимликге сагъа ва сени наслуларынга бережекмен.
Мелгьиседек ону булай деп шабагьатлай: – Кёкню ва ерни Яратывчусу Аллагьу-Таала Ибрайимни шабагьатласын!
Душманларынгны сени къолунга берген Аллагьу-Таалагъа макътав болсун! Ибрайим оьзюне тюшген затыны ондан бир пайын Мелгьиседекге бере.
Аллагь Ибрагьимге ва ону наслуларына дюньяны бермеге ваъда этди. Ваъда да Къанунну кютюв булан тюгюл, имангъа гёре Аллагь къабул этегенлик булан байлавлу болгъан.
Аллагь сынайгъан заманда, Ибрагьим иманыны яхшылыгъындан гьатта Огъар Исгьакъны къурбан этмеге де гьазир эди. Исгьакъ Ибрагьимни оьзюнден таба Аллагьны ваъдасы яшавгъа чыкъма тарыкъ болгъан биргине-бир уланы эди.