«Мелхиседек йимик, сен де даимликге де дин къуллукъчусан», – деп ант этди Раббибиз. Гьеч гьёкюнмес дагъы шо антына да Ол.
Атамны ожагъында кёп уьйлер бар. Эгер о шолай тюгюл эди буса, Мен сизге шолай айтмас эдим. Мен онда сизин учун ер онгармагъа бараман.
Бизин кёклеге чыкъгъан уллу Баш дин къуллукъчубуз – Аллагьны Уланы Исабыз бар. Шо саялы, гелигиз, оьзюбюз инанагъан затлардан тайышмай турайыкъ.
Шолай Месигь де. Баш дин къуллукъчу да болуп, О Оьзю Оьзюн макътавлу этмеди, амма Ону Аллагь танглады. Аллагь Огъар булай айтды: Сен Мени Уланымсан. Мен бугюн Сагъа Ата болдум. Сыйлы Язывланы башгъа бир еринде О да булай айтды: Мелгьиседекни даражасында болуп, Сен де даимликге дин къуллукъчусан.