Аявсуздан уьлешегенникине дагъы да къошулар, артыкъ къызгъанчы буса гюнден-гюн ярлы болар.
Чомарт адам даим токълукъда болар, оьзгеге ичме сув берген бир де сувсамас.
Пакъыргъа берген де бир, Раббибизге берген де бир, О да сагъа тийишли къайтарышын этер.
Адилсизликни яйып айланагъан балагьгъа тарып къалар, ону къазапланыву да болмагъандай болуп къалар.
Пакъыргъа аш берген насипли болуп къалар.
Пакъыргъа береген адам ярлы болмас, огъар гёз бакъдырмайгъаны буса налатланып къалар.
Алданып къалмагъыз. Аллагьны алдатмагъа бажарылмас. Ким не чачса, шону орар.
Яхшылыкъ этмеге эринмегиз. Яхшылыкъ этивде биз эринмесек, заманы етишгенде, чачгъан ерибизден тюшюмюбюзню къайтарарбыз.