Зезаг санна, гучу а волий, маргІалвулу иза. ІиндагІ санна, водий, дІавоьду иза, къайлаволуш.
Цо со схьа-ма-лаьцна, ткъа иза суна дуьхьал тоьшалла ду. Сан гІора дайна хилар суна дуьхьалдаьлла, сох бехкаш а дохуш.
Велхарна сан юьхь цІийелла, сан бІаьргаш тІехь Іожаллин ІиндагІ ду.
ГІайгІанехь хиларна сан бІаьргаш гІелделла. МостагІий бахьанехь уьш телхина догІу.
«ХІун пайда бу сох, со хІаллаквича? Хьуна хІун лур ду, со коша чу вижча? Сан докъо хастам бийр буй те Хьуна? Сох йисинчу чено Хьан бакъдерг кхайкхор дуй те?