Книга Второе послание к Коринфянам Cтих 8

сие же глаголю по совету, а не по повелению. Кийждо якоже изволение имать сердцем, не от скорби, ни от нужды: доброхотна бо дателя любит Бог. Сего ради многое дерзновение имея во Христе повелевати тебе, еже потребно есть, любве же ради паче молю, таков сый якоже павел старец, ныне же и узник Иисуса Христа: без твоея же воли ничтоже восхотех сотворити, да не аки по нужди благое твое будет, но по воли. Иже убо имать богатство мира сего, и видит брата своего требующа, и затворит утробу свою от него, како любы Божия пребывает в нем? Чадца моя, не любим словом ниже языком, но делом и истиною.

Весте бо благодать Господа нашего Иисуса Христа, яко вас ради обнища богат сый, да вы нищетою его обогатитеся.

И совет даю о сем: се бо вам есть на пользу, иже не точию, еже творити, но и еже хотети, прежде начасте от прешедшаго лета.

Ныне же и сие творити скончайте, да якоже бысть усердие хотети, тако будет и исполнити от сего, еже имате.

Аще бо усердие предлежит, по елику аще кто имать, благоприятен есть, а не по елику не имать.

Не бо да иным убо отрада, вам же скорбь: но по изравнению.

В нынешнее время ваше избыточествие во онех лишение, да и онех избыток будет в ваше лишение, яко да будет равенство,

якоже есть писано: иже многое, не преумножил есть: и иже малое, не умалил.

Благодарение же Богови, давшему тожде тщание о вас в сердце титово:

яко моление убо прият, тщаливейший же сый, своею волею изыде к вам.

Послахом же с ним и брата, егоже похвала во евлии по всем церквам:

не точию же, но и освящен от церквей с нами ходити, со благодатию сею, служимою нами к самого Господа славе и усердию вашему:

блюдущеся того, да не кто нас поречет во обилии сем служимем нами: