Св. Евангелие от Матфея 7:15
Первое послание Иоанна 2:18
Первое послание Иоанна 2:22
Первое послание Иоанна 4:1
Первое послание Иоанна 4:2
Первое послание Иоанна 4:3
Откровение Иоанна Богослова 13:11
Откровение Иоанна Богослова 13:12
Откровение Иоанна Богослова 13:13
Откровение Иоанна Богослова 13:14
Откровение Иоанна Богослова 13:15
Откровение Иоанна Богослова 13:16
Откровение Иоанна Богослова 13:17
Откровение Иоанна Богослова 16:13
Внемлите же от лживых пророк, иже приходят к вам во одеждах овчих, внутрь же суть волцы хищницы:
Дети, последняя година есть. И якоже слышасте, яко антихрист грядет, и ныне антихристи мнози быша, от сего разумеваем, яко последний час есть.
Кто есть лживый, точию отметаяйся, яко Иисус несть Христос? Сей есть антихрист, отметаяйся Отца и Сына.
Возлюбленнии, не всякому духу веруйте, но искушайте духи, аще от Бога суть: яко мнози лжепророцы изыдоша в мир.
О сем познавайте духа Божия и духа лестча: всяк дух, иже исповедует Иисуса Христа во Плоти пришедша, от Бога есть:
и всяк дух, иже не исповедует Иисуса Христа во Плоти пришедша, от Бога несть: и сей есть антихристов, егоже слышасте, яко грядет, и ныне в мире есть уже.
И видех инаго зверя восходящаго от земли, и имеяше рога два, подобна агнчым, и глаголаше яко змий.
И власть перваго зверя всю творяше пред ним: и творяше землю и вся живущыя на ней поклонитися первому зверю, емуже исцелена бысть язва смертная:
и сотвори чудеса велика, да и огнь сотворит сходити с небесе на землю пред человеки.
И льстит живущыя на земли, ради знамений, яже дана быша ему пред зверем творити, глаголя живущым на земли, сотворити образ зверю, иже имать язву оружную и жив бысть.
И дано бысть ему дати дух образу зверину, да проглаголет икона зверина и сотворит, да иже аще не поклонятся образу звериному, убиени будут.
И сотворит вся малыя и великия, богатыя и убогия, свободныя и работныя, да даст им начертание на десней руце их или на челех их,
да никтоже возможет ни купити, ни продати, токмо кто имать начертание, или имя зверя, или число имене его.
И видех из уст змия и из уст зверя и из уст лжаго пророка духи три нечистыя, яко жабы исходящыя: