Книга Второе послание Иоанна Cтих 5

Заповедь новую даю вам, да любите друг друга: якоже возлюбих вы, да и вы любите себе: сия есть заповедь моя, да любите друг друга, якоже возлюбих вы. сия заповедаю вам, да любите друг друга. Друг друга тяготы носите, и тако исполните закон Христов. Возлюбленнии, не заповедь нову пишу вам, но заповедь ветху, юже иместе исперва. Заповедь ветха есть слово, еже слышасте исперва. Вы убо еже слышасте исперва, в вас да пребывает: аще в вас пребудет, еже исперва слышасте, и вы в Сыне и Отце пребудете. Яко се есть завещание, еже слышасте исперва, да любим друг друга,

И сия есть любы, да ходим по заповедем его. Сия есть заповедь, якоже слышасте исперва, да в ней ходите:

зане мнози лестцы внидоша в мир, не исповедающе Иисуса Христа пришедша во плоти, сей есть льстец и антихрист.

Блюдите себе, да не погубите яже деласте добрая, но да мзду совершенну восприимете.

Всяк преступаяй и не пребываяй во учении Христове, Бога не имать. пребываяй же во учении Христове, сей и Отца и Сына имать.

Аще кто приходит к вам, и сего учения не приносит, не приемлите его в дом, и радоватися ему не глаголите.

глаголяи бо ему радоватися, сообщается делом его злым.

Многа имех писати вам, и не восхотех хартиею и чернилом, но надеюся приити к вам и усты ко устом глаголати, да радость ваша будет исполнена.

Целуют тя чада сестры твоея избранныя. Аминь.

Второе послание Иоанна

Выбор основного перевода