Св. Евангелие от Матфея 7:21
Св. Евангелие от Луки 6:47
Св. Евангелие от Луки 6:48
Св. Евангелие от Луки 6:49
Не всяк глаголяй ми: Господи, Господи, внидет в царствие небесное: но творяй волю Отца моего, иже есть на небесех.
Всяк грядый ко мне и слышай словеса моя и творя я, скажу вам, кому есть подобен.
подобен есть человеку зиждущу храмину, иже ископа и углуби, и положи основание на камени: наводнению же бывшу, припаде река ко храмине той, и не може поколебати ея: основана бо бе на камени.
Слышавый же и не сотворивый подобен есть человеку создавшему храмину на земли без основания: к нейже припаде река, и абие падеся, и бысть разрушение храмины тоя велие.
Бывайте же творцы слова, а не точию слышатели, прельщающе себе самех.
Зане аще кто есть слышатель слова, а не творец, таковый уподобися мужу смотряющу лице бытия своего в зерцале:
усмотри бо себе и отиде, и абие забы, каков бе.
Приникий же в закон совершен свободы, и пребыв, сей не слышатель забытлив быв, но творец дела, сей блажен в делании своем будет.