Св. Евангелие от Матфея 5:22
Св. Евангелие от Матфея 5:29
Св. Евангелие от Матфея 5:30
Св. Евангелие от Матфея 18:8
Св. Евангелие от Матфея 18:9
Св. Евангелие от Матфея 25:41
Послание к Колоссянам 3:5
Послание к Колоссянам 3:6
Послание к Колоссянам 3:7
Послание к Колоссянам 3:8
Послание к Колоссянам 3:9
Послание к Колоссянам 3:10
Послание к Колоссянам 3:11
Аз же глаголю вам, яко всяк гневаяйся на брата своего всуе повинен есть суду: иже бо аще речет брату своему: рака, повинен есть сонмищу: а иже речет: уроде, повинен есть геенне огненней.
аще же око твое десное соблажняет тя, изми е и верзи от себе: уне бо ти есть, да погибнет един от уд твоих, а не все тело твое ввержено будет в геенну:
и аще десная твоя рука соблажняет тя, усецы ю и верзи от себе: уне бо ти есть, да погибнет един от уд твоих, а не все тело твое ввержено будет в геенну.
Аще ли рука твоя или нога твоя соблажняет тя, отсецы ю и верзи от себе: добрейше ти есть внити в живот хрому или бедну, неже две руце и две нозе имущу ввержену быти во огнь вечный:
и аще око твое соблажняет тя, изми е и верзи от себе: добрейше ти есть со единем оком в живот внити, неже две оце имущу ввержену быти в геенну огненную.
Тогда речет и сущым ошуюю: идите от мене, проклятии, во огнь вечный, уготованный диаволу и аггелом его:
Умертвите убо уды вашя, яже на земли: блуд, нечистоту, страсть, похоть злую и лихоимание, еже есть идолослужение,
ихже ради грядет гнев Божии на сыны противления.
в нихже и вы иногда ходисте, егда живясте в них.
Ныне же отложите и вы та вся: гнев, ярость, злобу, хуление, срамословие от уст ваших:
не лжите друг на друга, совлекшеся ветхаго человека с деяньми его
и облекшеся в новаго, обновляемаго в разум по образу создавшаго его,
идеже несть еллин, ни иудей, обрезание и необрезание, варвар и скиф, раб и свободь, но всяческая и во всех Христос.