Св. Евангелие от Матфея 9:28
Св. Евангелие от Матфея 9:29
Св. Евангелие от Матфея 21:21
Св. Евангелие от Марка 10:46
Св. Евангелие от Марка 10:47
Св. Евангелие от Марка 10:48
Св. Евангелие от Марка 10:49
Св. Евангелие от Марка 10:50
Св. Евангелие от Марка 10:51
Св. Евангелие от Марка 10:52
Св. Евангелие от Марка 11:22
Св. Евангелие от Марка 11:23
Св. Евангелие от Марка 11:24
Св. Евангелие от Луки 17:6
Св. Евангелие от Иоанна 11:40
Пришедшу же ему в дом, приступиста к нему слепца, и глагола има Иисус: веруета ли, яко могу сие сотворити? Глаголаста ему: ей, Господи.
Тогда прикоснуся очию их, глаголя: по вере ваю буди вама.
Отвещав же Иисус рече им: аминь глаголю вам: аще имате веру и не усумнитеся, не токмо смоковничное сотворите, но аще и горе сей речете: двигнися и верзися в море, будет:
И приидоша во иерихон. И исходящу ему от иерихона, и учеником его, и народу многу, сын тимеов вартимей слепый седяше при пути, прося.
И слышав, яко Иисус назорянин есть, начат звати и глаголати: Сыне давидов Иисусе, помилуй мя.
И прещаху ему мнози, да умолчит: он же множае паче зваше: Сыне давидов, помилуй мя.
И став Иисус, рече его возгласити. И возгласиша слепца, глаголюще ему: дерзай, востани, зовет тя.
Он же отверг ризы своя, востав прииде ко Иисусови.
И отвещав глагола ему Иисус: что хощеши, да сотворю тебе? Слепый же глагола ему: учителю, да прозрю.
Иисус же рече ему: иди: вера твоя спасе тя. И абие прозре и по Иисусе иде в путь.
И отвещав Иисус глагола им:
имейте веру Божию: аминь бо глаголю вам, яко, иже аще речет горе сей: двигнися и верзися в море: и не размыслит в сердцы своем, но веру имет, яко еже глаголет, бывает: будет ему, еже аще речет:
сего ради глаголю вам: вся елика аще молящеся просите, веруйте, яко приемлете: и будет вам:
Рече же Господь: аще бысте имели веру яко зерно горушно, глаголали бысте убо ягодичине сей: восторгнися и всадися в море: и послушала бы вас.
Глагола ей Иисус: не рех ли ти, яко аще веруеши, узриши славу Божию?