Св. Евангелие от Матфея 12:9
Св. Евангелие от Матфея 12:10
Св. Евангелие от Матфея 12:11
Св. Евангелие от Матфея 12:12
Св. Евангелие от Матфея 12:13
Св. Евангелие от Луки 6:6
Св. Евангелие от Луки 6:7
Св. Евангелие от Луки 6:8
Св. Евангелие от Луки 6:9
Св. Евангелие от Луки 6:10
И прешед оттуду, прииде на сонмище их.
И се, человек бе ту, руку имый суху. И вопросиша его, глаголюще: аще достоит в субботы целити? да на него возглаголют.
Он же рече им: кто есть от вас человек, иже имать овча едино, и аще впадет сие в субботы в яму, не имет ли е и измет?
кольми убо лучши есть человек овчате? темже достоит в субботы добро творити.
Тогда глагола человеку: простри руку твою. И простре: и утвердися цела яко другая.
Бысть же и в другую субботу внити ему в сонмище и учити. и бе тамо человек, и рука ему десная бе суха.
Назираху же книжницы и фарисеи, аще в субботу исцелит, да обрящут речь нань.
Он же ведяше помышления их, и рече человеку имущему суху руку: востани и стани посреде. Он же востав ста.
Рече же Иисус к ним: вопрошу вы: что достоит в субботы, добро творити, или зло творити? душу спасти, или погубити? Они же умолчаша.
И воззрев на всех их, рече ему: простри руку твою. Он же сотвори тако: и утвердися рука его здрава яко другая.