Книга Св. Евангелие от Марка Cтих 16

Прииде Сын человеческий ядый и пияй: и глаголют: се, человек ядца и винопийца, мытарем друг и грешником. И оправдися премудрость от чад своих. Прииде Сын человеческий ядый и пия, и глаголете: сей человек ядца и винопийца, друг мытарем и грешником. Бяху же приближающеся к нему вси мытарие и грешницы, послушати его. И роптаху фарисее и книжницы, глаголюще, яко сей грешники приемлет и с ними яст. Бысть же кличь велик, и воставше книжницы части фарисейския пряхуся между собою, глаголюще: ни едино зло обретаем в человеце сем: аще же дух глагола ему или ангел, не противимся Богу.

И слышав Иисус глагола им: не требуют здравии врача, но болящии: не приидох призвати првдники, но грешники на покаяние.

И бяху ученицы иоанновы и фарисейстии постящеся. И приидоша и глаголаша ему: почто ученицы иоанновы и фарисейстии постятся, а твои ученицы не постятся?

И рече им Иисус: еда могут сынове брачнии, дондеже жених с ними есть, поститися? елико время с собою имут жениха, не могут поститися:

приидут же дние, егда отимется от них жених, и тогда постятся в тыя дни:

и никтоже приложения плата небелена пришивает к ризе ветсе: аще ли же ни, возмет конец его новое от ветхаго, и горша дира будет:

и никтоже вливает вина нова в мехи ветхи: аще ли же ни, просадит вино новое мехи, и вино пролиется, и меси погибнут: но вино новое в мехи новы влияти.

И бысть мимоходити ему в субботы сквозе сеяния, и начаша ученицы его путь творити, востерзающе класы.

И фарисее глаголаху ему: виждь, что творят в субботы, егоже не достоит?

И той глаголаше им: несте ли николиже чли, что сотвори давид, егда требование име и взалка сам и иже с ним?

како вниде в дом Божий при авиафаре архиереи, и хлебы предложения Сынеде, ихже не достояше ясти токмо иереем, и даде и сущым с ним?

И глаголаше им: суббота человека ради бысть, а не человек субботы ради:

темже господь есть Сын человеческий и субботе.

← Предыдущая

Св. Евангелие от Марка

1 2 3 4 5 6 7 8 9 10 11 12 13 14 15 16

Выбор основного перевода