Книга Св. Евангелие от Луки Cтих 14

просветити во тьме и сени смертнеи седящыя, направити ноги нашя на путь мирен. глаголюще: благвен грядый царь во имя Господне: мир на небеси, и слава в вышних. Оравдившеся убо верою, мир имамы к Богу Господем нашим Иисус Христом, сказав нам тайну воли своея по благоволению своему, еже прежде положи в нем, Той бо есть мир наш, сотворивый обоя едино, и средостение ограды разоривый, и пришед благовести мир вам, дальним и ближним, Бог бо есть действуяй в вас и еже хотети и еже деяти о благоволении.

И бысть, яко отидоша от них на небо ангели, и человецы пастырие реша друг ко другу: прейдем до вифлеема и видим глагол сей бывший, егоже Господь сказа нам.

И приидоша поспешшеся, и обретоша мариамь же и иосифа, и младенца лежаща во яслех.

Видевше же сказаша о глаголе глаголаннем им о отрочати сем.

И вси слышавшии дивишася о глаголанных от пастыреи к ним.

Мариамь же соблюдаше вся глаголы сия, слагающи в сердцы своем.

И возвратишася пастырие, славяще и хваляще Бога о всех, яже слышаша и видеша, якоже глаголано бысть к ним.

И егда исполнишася осмь дний, да обрежут его, и нарекоша имя ему Иисус, нареченное ангелом прежде даже не зачатся во чреве.

И егда исполнишася дние очищения ею, по закону моисеову, вознесоста его во иерусалим, поставити его пред Господем,

якоже есть писано в законе Господни. яко всяк младенец мужеска полу, разверзая ложесна, свято Господви наречется:

и еже дати жертву, по реченному в законе Господни, два горличища или два птенца голубина.

И се бе человек во иерусалиме, емуже имя симеон: и человек сей праведен и благочестив, чая утехи израилевы: и дух бе свят в нем.

И бе ему обещано духом святым, не видети смерти, прежде даже не видит Христа Господня.