Св. Евангелие от Матфея 12:10
Св. Евангелие от Марка 3:2
Св. Евангелие от Марка 3:4
Св. Евангелие от Луки 6:7
Св. Евангелие от Луки 14:3
Св. Евангелие от Луки 14:6
Св. Евангелие от Иоанна 5:16
Св. Евангелие от Иоанна 7:23
Св. Евангелие от Иоанна 9:14
Св. Евангелие от Иоанна 9:16
И се, человек бе ту, руку имый суху. И вопросиша его, глаголюще: аще достоит в субботы целити? да на него возглаголют.
И назираху его, аще в субботы изцелит его, да нань возглаголют.
И глагола им: достоит ли в субботы добро творити, или зло творити? душу спасти, или погубити? Они же молчаху.
Назираху же книжницы и фарисеи, аще в субботу исцелит, да обрящут речь нань.
И отвещав Иисус рече к законником и фарисеом, глаголя: аще достоит в субботу целити?
И не возмогоша отвещати ему к сим.
И сего ради гоняху Иисуса иудее, и искаху его убити, зане сия творяше в субботу.
аще обрезание приемлет человек в субботу, да не разорится закон моисеов: на мя ли гневаетеся, яко всего человека здрава сотворих в субботу?
Бе же суббота, егда сотвори брение Иисус и отверзе ему очи.
Глаголаху убо от фарисеи нецыи: несть сей от Бога человек, яко субботу не хранит. Овии глаголаху: како может человек грешен сицева знамения творити? И распря бе в них.