Книга Св. Евангелие от Луки Cтих 35

Тогда уподобися царствие небесное десятим девам, яже прияша светилники своя и изыдоша в сретение жениху: Блюдите, бдите и молитеся: не весте бо, когда время будет. да даст вам по богатству славы своея, силою утвердитися духом его во внутреннем человеце, Станите убо препоясани чресла ваша истиною, и оболкшеся в броня правды, Темже, возлюбленнии, препоясавше чресла помышления вашего, трезвящеся, совершенне уповайте на приносимую вам благодать откровением Иисус Христовым.

и вы подобни человеком чающым господа своего, когда возвратится от брака, да пришедшу и толкнувшу, абие отверзут ему.

Блажени раби тии, ихже пришед господь обрящет бдящих: аминь глаголю вам, яко препояшется и посадит их, и минув послужит им.

И аще приидет во вторую стражу, и в третию стражу приидет, и обрящет их тако, блажени суть раби тии.

Се же ведите, яко аще бы ведал господин храмины, в кий час тать приидет, бдел убо бы, и не бы дал подкопати дому своего.

И вы убо будите готови: яко, воньже час не мните, Сын человеческий приидет.

Рече же ему петр: Господи, к нам ли притчу сию глаголеши, или ко всем?

Рече же Господь: кто убо есть верный строитель и мудрый, егоже поставит господь над челядию своею, даяти во время житомерие?

Блажен раб той, егоже пришед господь его обрящет творяща тако:

воистинну глаголю вам, яко над всем имением своим поставит его.

Аще же речет раб той в сердцы своем: коснит господин мой приити: и начнет бити рабы и рабыни, ясти же и пити и упиватися:

приидет господин раба того в день, воньже не чает, и в час, воньже не весть: и растешет его, и часть его с неверными положит.

Той же раб ведевый волю господина своего, и не уготовав, ни сотворив по воли его, биен будет много.