Книга Св. Евангелие от Иоанна Cтих 2

И прешед оттуду, виде ина два брата, иакова зеведеева, и иоанна брата его, в корабли с зеведеом отцем ею, завязующа мрежи своя, и воззва я. И прешед мало оттуду, узре иакова зеведеова и иоанна брата его, и та в корабли строяща мрежа: Такожде же иакова и иоанна сына зеведеова, яже беста обещника симонови. И рече к симону Иисус: не бойся: отселе будеши человеки ловя. Обрете филипп нафанаила и глагола ему: егоже писа моисей в законе и пророцы, обретохом Иисуса Сына иосифова, иже от назарета. Рече же фома, глаголемый близнец, учеником: идем и мы, да умрем с ним. фома же, един от обоюнадесяте, глаголемыи близнец, не бе ту с ними, егда прииде Иисус.

глагола им симон петр. иду рыбы ловити. глаголаша ему. идем и мы с тобою. изыдоша же, и вседоша абие в корабль, и в ту нощь не яша ничесоже.

утру же бывшу, ста Иисус при брезе. не познаша же ученицы, яко Иисус есть.

глагола же им Иисус. дети, еда что Сынедно имате, отвещаша ему. ни.

он же рече им. вверзите мрежу о десную страну корабля, и обрящете. ввергоша же, и ктому не можаху привлещи ея от множества рыб.

глагола же ученик тои, егоже любляше Иисус, петрови. гдь есть. симон же петр слышав, яко гдь есть, епендитом препоясася, бе бо наг, и ввержеся в море.

а друзии ученицы кораблецем приидоша, не беша бо далече от земли, но яко две сте лактеи, влекуще мрежу рыб.

егда убо излезоша на землю, видеша огнь лежащь, и рыбу на нем лежащу, и хлеб.

и глагола им Иисус. принесите от рыб, яже ясте ныне.

влез же симон петр, извлече мрежу на землю, полну великих рыб сто и пятьдесят и три. и толико сущым, не проторжеся мрежа.

глагола им Иисус. приидите, обедуите. ни един же смеяше от ученик истязати его. ты кто еси, ведяще, яко гдь есть.

прииде же Иисус, и прият хлеб, и даде им, и рыбу такожде.

се уже третие явися Иисус учеником своим, востав от мертвых.