Книга Послание к Колоссянам Cтих 15

Бога никтоже виде нигдеже: единородный Сын, сый в лоне Отчи, той исповеда. в нихже бог века сего ослепи разумы неверных, во еже не возсияти им свету благовествования славы Христовы, иже есть образ Бога невидимаго. един имеяй безсмертие и во свете живый неприступнем, егоже никтоже видел есть от человек, ниже видети может: емуже чистоть и держава вечная. Аминь. Иже сый сияние славы и образ ипостаси его, нося же всяческая глаголом силы своея, собою очищение сотворив грехов наших, седе о десную престола величествия на высоких, И ангелу лаодикийския церкве напиши: тако глаголет аминь, свидетель верный и истинный, начаток создания Божия:

яко тем создана быша всяческая, яже на небеси и яже на земли, видимая и невидимая, аще престоли, аще господствия, аще начала, аще власти: всяческая тем и о нем создашася.

и той есть прежде всех, и всяческая в нем состоятся.

И той есть глава телу церкве, иже есть начаток, перворожден из мертвых, яко да будет во всех той первенствуя.

яко в нем благоизволи всему исполнению вселитися,

и тем примирити всяческая к себе, умиротворив кровию креста его, чрез него, аще земная, аще ли небесная.

И вас, иногда сущих отчужденных и врагов помышленьми в делех лукавых,

ныне же примири в теле плоти его смертию его, представити вас стых и непорочных и неповинных пред собою,

аще убо пребываете в вере основани и тверди, и неподвижими от упования благовествования, еже слышасте, проповеданное всей твари поднебесней, емуже бых аз павел служитель.

Ныне радуюся во страданиих моих о вас, яко исполняю лишение скорбей Христовых во плоти моей за тело его, еже есть церковь.

ейже бых аз служитель по смотрению Божию, данному мне в вас, исполнити слово Божие,

тайну сокровенную от век и от родов: ныне же явися святым его,

имже восхоте Бог сказати, кое богатство славы тайны сея во языцех, иже есть Христос в вас, упование славы,

егоже мы проповедуем, наказующе всякаго человека и учаще всяцей премудрости, да представим всякаго человека совершенна о Христе Иисусе:

в немже и труждаюся и подвизаюся по действу его действуемому во мне силою.

Послание к Колоссянам

1 2 3 4

Выбор основного перевода