Книга Послание к Галатам Cтих 13 | Параллельные места

Бог отец наших воздвиже Иисуса, егоже вы убисте, повесивше на древе: Немощное бо закона, в немже немоществоваше плотию, Бог сына своего посла в подобии плоти греха, и о гресе осуди грех во плоти, Не ведевшаго бо греха по нас грех сотвори, да мы будем правда Божия о нем. да подзаконныя искупит, да всыновление восприимем. о немже имамы избавление кровию его, и оставление прегрешении, по богатству благодати его, иже грехи нашя сам вознесе на теле своем на древо, да от грех избывше, правдою поживем: егоже язвою исцелесте.

да в языцех благословение авраамле будет о Христе Иисусе, да обетование духа приимем верою.

Братие, по человеку глаголю: обаче человеческаго предутвержденна завета никтоже отметает или приповелевает.

Аврааму же речени быша обеты, и семени его. Не глаголет же: и семенем, яко о мнозех, но яко о едином: и семени твоему, иже есть Христос.

Сие же глаголю, завета предутвержденнаго от Бога во Христа, бывый по летех четыриста и тридесятих закон не отметает, во еже разорити обетование.

Аще бо от закона наследие, не ктому уже от обетования: аврааму же обетованием дарова Бог.

Что убо закон? Преступлений ради приложися, дондеже приидет семя, емуже обетовася, вчинен ангелы, рукою ходатая.

Ходатай же единаго несть, Бог же един есть.

Закон ли убо противу обетованием Божиим? Да не будет. Аще бо дан бысть закон могий оживити, воистинну от закона бы была правда:

но затвори писание всех под грехом, да обетование от веры Иисус Христовы дастся верующым.

Прежде же пришествия веры, под законом стрегоми бехом, затворени в хотящую веру открытися.

Темже закон пестун нам бысть во Христа, да от веры оправдимся:

пришедшей же вере, уже не под пестуном есмы.