Книга Послание к Галатам Cтих 11 | Параллельные места

Глаголю вам, яко сниде сей оправдан в дом свой паче онаго: яко всяк возносяйся смирится, смиряяй же себе вознесется. Правда бо Божия в нем является от веры в веру, якоже есть писано. праведныи же от веры жив будет. Мыслим убо верою оправдатися человеку, без дел закона. уведевше же, яко не оправдится человек от дел закона, но токмо верою Иисус Христовою, и мы во Христа Иисуса веровахом, да оправдимся от веры Христовы, а не от дел закона: зане не оправдится от дел закона всяка плоть.

Закон же несть от веры: но сотворивый та человек жив будет в них.

Христос ны искупил есть от клятвы законныя, быв по нас клятва: писано бо есть: проклят всяк висяй на древе:

да в языцех благословение авраамле будет о Христе Иисусе, да обетование духа приимем верою.

Братие, по человеку глаголю: обаче человеческаго предутвержденна завета никтоже отметает или приповелевает.

Аврааму же речени быша обеты, и семени его. Не глаголет же: и семенем, яко о мнозех, но яко о едином: и семени твоему, иже есть Христос.

Сие же глаголю, завета предутвержденнаго от Бога во Христа, бывый по летех четыриста и тридесятих закон не отметает, во еже разорити обетование.

Аще бо от закона наследие, не ктому уже от обетования: аврааму же обетованием дарова Бог.

Что убо закон? Преступлений ради приложися, дондеже приидет семя, емуже обетовася, вчинен ангелы, рукою ходатая.

Ходатай же единаго несть, Бог же един есть.

Закон ли убо противу обетованием Божиим? Да не будет. Аще бо дан бысть закон могий оживити, воистинну от закона бы была правда:

но затвори писание всех под грехом, да обетование от веры Иисус Христовы дастся верующым.

Прежде же пришествия веры, под законом стрегоми бехом, затворени в хотящую веру открытися.