Книга Послание к Филиппийцам Cтих 8

кая бо польза человеку, аще мир весь приобрящет, душу же свою отщетит? или что даст человек измену за душу свою? се же есть живот вечныи, да знают тебе единаго истиннаго Бога, и егоже послал еси Иисус Христа. не судих бо ведети что в вас, точию Иисуса Христа, и сего распята. дондеже достигнем вси в соединение веры и познания Сына Божия, в мужа совершенна, в меру возраста исполнения Христова: да утешатся сердца их, снемшихся в любви и во всяцем богатстве извещения разума, в познание тайны Бога и Отца и Христа, Яко вся нам божественныя силы его, яже к животу и благочестию, подана разумом призвавшаго нас славою и добродетелию.

и обрящуся в нем, не имый моея правды, яже от закона, но яже верою Христовою, сущую от Бога правду в вере:

яко разумети его, и силу воскресения его, и сообщение страстей его, сообразуяся смерти его,

аще како достигну в воскресение мертвых.

Не зане уже достигох, или уже совершихся: гоню же, аще и постигну, о немже и постижен бых от Христа Иисуса.

Братие, аз себе не у помышляю достигша: едино же, задняя убо забывая, в предняя же простираяся,

со усердием гоню, к почести вышняго звания Божия о Христе Иисусе.

Елицы убо совершенни, сие да мудрствуим: и еже аще ино что мыслите, и сие Бог вам открыет.

Обаче в неже достигохом, тоже да мудрствуем и темже правилом жителтвуем.

Подобни ми бывайте, братие, и смотряйте тако ходящыя, якоже имате образ нас.

Мнози бо ходят, ихже многажды глаголах вам, ныне же и плачя глаголю, враги креста Христова:

имже кончина погибель, имже бог чрево, и слава в студе их, иже земная мудрствуют.

Наше бо житие на небесех есть, отонудуже и спасителя ждем, Господа Иисуса Христа,

иже преобразит тело смирения нашего, яко быти сему сообразну телу славы его, по действу еже возмогати ему и покорити себе всяческая.

← Предыдущая

Послание к Филиппийцам

1 2 3 4

Выбор основного перевода