Изнемогающаго же в вере приемлите, не в сомнение помышлении.
Ов бо верует ясти вся, а изнемогаяй зелия да яст.
Ядый не ядущаго да не укоряет: и не ядый ядущаго да не осуждает: Бог бо его прият.
Ты кто еси судяй чуждему рабу? Своему Господви стоит, или падает. Станет же, силен бо есть Бог поставити его.
Ов убо разсуждает день чрез день, ов же судит на всяк день. Кииждо своею мыслию да извествуется.
Мудрствуяи день, Господеви мудрствует: и не мудрствуяй день, Господеви не мудрствует. Ядый, Господеви яст. благодарит бо Бога: и не ядый, Господеви не яст, и благодарит Бога.
Аз надеюся о вас в Господе, яко ничтоже ино разумети будете: смущаяй же вас понесет грех, кто бы ни был.
совершенных же есть твердая пища, имущих чувствия обучена долгим учением в разсуждение добра же и зла.