Книга Послание к Ефесянам Cтих 9

Могущему же вас утвердити по благовествованию моему и проповеданию Иисус Христову, по откровению тайны, леты вечными умолчанныя, яко по откровению сказася мне тайна, якоже преднаписах вмале: о немже можете чтуще разумети разум мой в тайне Христове, яже во инех родех не сказася сыном человеческим, якоже ныне открыся святым его апостолом и пророком духом святым: яко быти языком снаследником и стелесником и спричастником обетования его о Христе Иисусе, благовествованием, и просветити всех, что есть смотрение тайны сокровенныя от веков в Бозе, создавшем всяческая Иисус Христом, тайну сокровенную от век и от родов: ныне же явися святым его, имже восхоте Бог сказати, кое богатство славы тайны сея во языцех, иже есть Христос в вас, упование славы,

в смотрение исполнения времен, возглавити всяческая о Христе, яже на небесех и яже на земли в нем:

в немже и наследницы сотворихомся, прежде наречени бывше по прозрению Божию вся действующаго по совету воли своея,

яко быти нам в похваление славы его, прежде уповавшым во Христа:

в немже и вы, слышавше слово истины, благовествование спасения нашего, в немже и веровавше знаменастеся духом обетования святым,

иже есть обручение наследия нашего, во избавление снабдения, в похвалу славы его.

Сего ради и аз слышав вашу веру о Христе Иисусе и любовь, яже ко всем святым,

не престаю благодаря о вас, поминание о вас творя в молитвах моих,

да Бог Господа нашего Иисуса Христа, Отец славы, даст вам духа премудрости и откровения, в познание его,

просвещенна очеса сердца вашего, яко уведети вам, кое есть упование звания его, и кое богатство славы достояния его во святых,

и кое преспеющее величество силы его в нас верующих по действу державы крепости его,

юже содея о Христе, воскресив его от мертвых и посадив одесную себе на небесных,

превыше всякаго началства и власти и силы и господства, и всякаго имене именуемаго не точию в веце сем, но и во грядущем:

и вся покори под нозе его, и того даде главу выше всех церкви,

яже есть тело его, исполнение исполняющаго всяческая во всех.

Послание к Ефесянам

1 2 3 4 5 6

Выбор основного перевода