Книга Послание к Ефесянам Cтих 7

вси бо согрешиша, и лишени суть славы Божия, оправдаеми туне благодатию его, избавлением, еже о Христе Иисусе, егоже предположи Бог очищение верою в крови его, в явление правды своея, за отпущение прежде бывших грехов, да явит в вецех грядущих презелное богатство благодати своея благостынею на нас о Христе Иисусе. Мне меншему всех святых дана бысть благодать сия, во языцех благовестити неизследованное богатство Христово да даст вам по богатству славы своея, силою утвердитися духом его во внутреннем человеце, о немже имамы избавление кровию его и оставление грехов. ни кровию козлею ниже телчею, но своею кровию, вниде единою во святая, вечное искупление обретый. А идеже отпущение сих, ктому несть приношения о гресех.

юже преумножил есть в нас во всяцей премудрости и разуме,

сказав нам тайну воли своея по благоволению своему, еже прежде положи в нем,

в смотрение исполнения времен, возглавити всяческая о Христе, яже на небесех и яже на земли в нем:

в немже и наследницы сотворихомся, прежде наречени бывше по прозрению Божию вся действующаго по совету воли своея,

яко быти нам в похваление славы его, прежде уповавшым во Христа:

в немже и вы, слышавше слово истины, благовествование спасения нашего, в немже и веровавше знаменастеся духом обетования святым,

иже есть обручение наследия нашего, во избавление снабдения, в похвалу славы его.

Сего ради и аз слышав вашу веру о Христе Иисусе и любовь, яже ко всем святым,

не престаю благодаря о вас, поминание о вас творя в молитвах моих,

да Бог Господа нашего Иисуса Христа, Отец славы, даст вам духа премудрости и откровения, в познание его,

просвещенна очеса сердца вашего, яко уведети вам, кое есть упование звания его, и кое богатство славы достояния его во святых,

и кое преспеющее величество силы его в нас верующих по действу державы крепости его,

юже содея о Христе, воскресив его от мертвых и посадив одесную себе на небесных,

превыше всякаго началства и власти и силы и господства, и всякаго имене именуемаго не точию в веце сем, но и во грядущем:

и вся покори под нозе его, и того даде главу выше всех церкви,

яже есть тело его, исполнение исполняющаго всяческая во всех.

Послание к Ефесянам

1 2 3 4 5 6

Выбор основного перевода