Книга Первое послание к Коринфянам Cтих 20

иже убо смирится яко отроча сие, той есть болий во царствии небеснем: Видев же Иисус негодова и рече им: оставите детей приходити ко мне и не браните им, тацех бо есть царствие Божие: Ваше бо послушание ко всем достиже. Радуюся же еже о вас. хощу же вас мудрых убо быти во благое, простых же в злое. да не бываем ктому младенцы, влающеся и скитающеся всяким ветром учения, во лжи человечестей, в коварстве козней льщения: Елицы убо совершенни, сие да мудрствуим: и еже аще ино что мыслите, и сие Бог вам открыет. Ибо, должни суще быти учителие лет ради, паки требуете учитися, кая писмена начала словес Божиих: и бысте требующе млека, а не крепкия пищи. Всяк бо причащаяйся млека неискусен слова правды, младенец бо есть: яко новорождени младенцы, словесное и нелестное млеко возлюбите, яко да о нем возрастете во спасение:

в законе пишет. яко иными языки и устны иными возглаголю людем сим, и ни тако послушают мене, глаголет Господь.

темже языцы в знамение суть не верующым, но неверным. а пророчество не неверным, но верующым.

аще убо снидется церковь вся вкупе, и вси языки глаголют, внидут же и неразумивии или невернии, не рекут ли, яко беснуетеся,

аще же вси пророчествуют, внидет же некии неверен или невежда, обличается всеми, и истязуется от всех.

и сице таиная сердца его явлена бывают. и тако пад ниц, поклонится Богови, возвещая, яко воистинну Бог с вами есть.

что убо есть, братие, егда сходитеся, кииждо вас псалом имать, учение имать, язык имать, откровение имать, сказание имать. вся же к созиданию да бывают.

аще языком кто глаголет, по двема, или множае по трием, и по части. и един да сказует.

аще ли не будет сказатель, да молчит в церкви, себе же да глаголет и Богови.

пророцы же два или трие да глаголют, и друзии да разсуждают.

аще ли иному открыется седящу, первыи да молчит.

можете бо вси по единому пророчествовати, да вси учатся и вси утешаются.

и дуси пророчестии пророком повинуются.