Книга Первое послание Иоанна Cтих 3

иго бо мое благо, и бремя мое легко есть. Аще любите мя, заповеди моя соблюдите, Отвеща Иисус и рече ему: аще кто любит мя, слово мое соблюдет: и Отец мой возлюбит его, и к нему приидема, и обитель у него сотворима: а иже аще соблюдает слово его, поистинне в сем любы Божия совершенна есть: о сем разумеем, яко в нем есмы. И сия есть любы, да ходим по заповедем его. Сия есть заповедь, якоже слышасте исперва, да в ней ходите:

Яко всяк рожденный от Бога побеждает мир: и сия есть победа, победившая мир, вера наша.

Кто есть побеждаяй мир, токмо веруяй, яко Иисус есть Сын Божий?

Сей есть пришедый водою и кровию и духом, Иисус Христос, не водою точию, но водою и кровию: и дух есть свидетелствуяй, яко дух есть истина.

Яко трие суть свидетелствующии на небеси, Отец, слово и святый дух: и сии три едино суть.

И трие суть свидетелствующии на земли, дух и вода и кровь: и трие во едино суть.

Аще свидетелство человеческое приемлем, свидетелство Божие более есть: яко сие есть свидетелство Божие, еже свидетелствова о Сыне своем.

Веруяй в Сына Божия имать свидетелство в себе: не веруяй Богови лжа сотворил есть его, яко не верова во свидетелство, еже свидетелствова Бог о Сыне своем.

И сие есть свидетелство, яко живот вечный дал есть нам Бог, и сей живот в Сыне его есть.

Имеяй Сына Божия имать живот: а не имеяй Сына Божия живота не имать.

Сия писах вам верующым во имя Сына Божия, да весте, яко живот вечный имате, и да веруете во имя Сына Божия.

И сие есть дерзновение, еже имамы к нему, яко аще чесо просим по воли его, послушает нас:

и аще вемы, яко послушает нас, еже аще просим, вемы, яко имамы прошения, ихже просихом от него.