Книга Деяния св. Апостолов Cтих 4

Иже убо любезно прияша слово его, крестишася: и приложишася в день той душ яко три тысящы: хваляще Бога и имуще благодать у всех людий. Господь же прилагаше по вся дни церкви спасающыяся. Паче же прилагахуся верующии Господви, множество мужей же и жен, И слово Божие растяше, и множашеся число ученик во иерусалиме зело: мног же народ священников послушаху веры. И бе рука Господня с ними: многое же число веровавше обратишася ко Господу. яко бе муж благ и исполнь Духа свята и веры. И приложися народ мног Господеви. Они же слышавше славляху Бога и рекоша ему: видиши ли, брате, колико тем есть иудей веровавших? и вси ревнителие закону суть:

Бысть же наутрие собратися князем их и старцем и книжником во иерусалим,

и анне архиерею и каиафе и иоанну и александру, и елицы беша от рода архиерейска:

и поставльше их посреде, вопрошаху: коею силою или коим именем сотвористе сие вы?

Тогда петр, исполнився Духа свята, рече к ним: князи людстии и старцы Израилевы,

аще мы днесь истязуеми есмы о благодеянии человека немощна, о чесом сей спасеся,

разумно буди всем вам и всем людем Израилевым, яко во имя Иисуса Христа назореа, егоже вы распясте, егоже Бог воскреси от мертвых, о сем сей стоит пред вами здрав:

сей есть камень укореный от вас зиждущих, бывый во главу угла, и несть ни о единем же инем спасения:

несть бо иного имене под небесем, даннаго в человецех, о немже подобает спастися нам.

Видяще же петрово дерзновение и иоанново и разумевше, яко человека некнижна еста и проста, дивляхуся, знаху же их, яко со Иисусом беста:

видяще же исцелевшаго человека с нима стояща, ничтоже имяху противу рещи.

Повелевше же има вон из сонмища изыти, стязахуся друг со другом,

глаголюще: что сотворим человекома сима? яко убо нарочитое знамение бысть има, всем живущым во иерусалиме яве, и не можем отврещися: