Книга Деяния св. Апостолов Cтих 20

но приимете силу, нашедшу святому Духу на вы, и будете ми свидетелие во иерусалиме же и во всей иудеи и самарии и даже до последних земли. Сего Иисуса воскреси Бог, емуже вси мы есмы свидетелие. Еже бе исперва, еже слышахом, еже видехом очима нашима, еже узрехом, и руки нашя осязаша, о словеси животнем: еже видехом и слышахом, поведаем вам, да и вы общение имате с нами: общение же наше со Отцем и с Сыном его Иисусом Христом.

Они же призапрещше има, пустиша я, ничтоже обретше како мучити их, людий ради, яко вси прославляху Бога о бывшем:

лет бо бяше множае четыредесяти человек той, на немже бысть чудо сие исцеления.

Отпущена же бывша приидоста ко своим и возвестиста, елика к нима архиерее и старцы реша.

Они же слышавше единодушно воздвигоша глас к Богу и рекоша: влдко, ты, Боже, сотворивый небо и землю и море и вся, яже в них,

иже Духом святым усты отца нашего давида отрока твоего рекл еси: вскую шаташася языцы, и людие поучишася тщетным?

предсташа царие земстии, и князи собрашася вкупе на Господа и на Христа его.

Собрашася бо воистинну во граде сем на святаго отрока твоего Иисуса, егоже помазал еси, ирод же и понтийский пилат с языки и людьми Израилевыми,

сотворити, елика рука твоя и совет твой преднарече быти:

и ныне, Господи, призри на прещения их и даждь рабом твоим со всяким дерзновением глаголати слово твое,

внегда руку твою прострети ти во исцеления, и знамением и чудесем бывати именем святым отрока твоего Иисуса.

И помолившымся им, подвижеся место, идеже бяху собрани, и исполнишася вси Духа свята и глаголаху слово Божие со дерзновением.

Народу же веровавшему бе сердце и душа едина, и ни един же что от имений своих глаголаше свое быти, но бяху им вся обща.