Книга Деяния св. Апостолов Cтих 14

просяще благодати нань, яко да послет его во иерусалим, ков творяще, яко да убиют его на пути. от сонмищ ижденут вы. но приидет час, да всяк, иже убиет вы, возмнится службу приносити Богу. и сия сотворят, яко не познаша оца, ни мене. якоже и архиерей свидетелствует ми и вси старцы: от нихже и послания приемь к живущым в дамасце братиям, идях привести сущыя тамо связаны во иерусалим, да мучатся. ты убо не послушай их: ловят бо его от них мужие множае четыредесяти, иже закляша себе ни ясти ни пити, дондеже убиют его: и ныне готови суть, чающе обещания, еже от тебе.

ныне убо вы скажите тысящнику с собором, яко да утре сведет его к вам, аки бы хотяще разумети известнее яже о нем: мы же, прежде даже не приближитися ему, готови есмы убити его.

Слышав же сын сестры павловы ков, пришед и вшед в полк, сказа павлу.

Призвав же павел единаго от сотник, рече: юношу сего отведи к тысящнику: имать бо нечто сказати ему.

Он же убо поим его приведе к тысящнику и рече: узник павел призвав мя, умоли сего юношу привести к тебе, имуща нечто глаголати тебе.

Поим же его за руку тысящник и отшед на едине, вопрошаше его: что есть, еже имаши возвестити ми?

Рече же, яко иудее совещаша умолити тя, яко да утре сведеши павла к ним в собор, аки бы хотящым известнее истязати яже о нем:

ты убо не послушай их: ловят бо его от них мужие множае четыредесяти, иже закляша себе ни ясти ни пити, дондеже убиют его: и ныне готови суть, чающе обещания, еже от тебе.

Тысящник убо отпусти юношу, завещав ни единому же поведати, яко сия явил еси мне.

И призвав два некия от сотник, рече: уготовита воинов вооруженных двесте, яко да идут до кесарии, и конник седмьдесят, и стрелец двесте, от третияго часа нощи:

и скоты привести, да всадивше павла проводят до филикса игемона.

Написа же послание имущее образ сей:

клавдий лисиа державному игемону филиксу радоватися: