оправдаеми туне благодатию его, избавлением, еже о Христе Иисусе,
уведевше же, яко не оправдится человек от дел закона, но токмо верою Иисус Христовою, и мы во Христа Иисуса веровахом, да оправдимся от веры Христовы, а не от дел закона: зане не оправдится от дел закона всяка плоть.
Бог же, богат сый в милости, за премногую любовь свою, еюже возлюби нас,
и сущих нас мертвых прегрешеньми, сооживи Христом: благодатию есте спасени:
и с ним воскреси, и спосади на небесных во Христе Иисусе,
да явит в вецех грядущих презелное богатство благодати своея благостынею на нас о Христе Иисусе.
Благодатию бо есте спасени чрез веру: и сие не от вас, Божии дар:
не от дел, да никтоже похвалится.
Того бо есмы творение, создани во Христе Иисусе на дела благая, яже прежде уготова Бог, да в них ходим.
Явися бо благодать Божия спасительная всем человеком,
Егда же благодать и человеколюбие явися спаса нашего Бога,
не от дел првных, ихже сотворихом мы, но по своей его милости, спасе нас банею пакибытия и обновления духа святаго,