Бо якая надзея крывадушніку, калі возьме, калі вырве Бог душу ягоную?
Ці пачуе Бог лямант ягоны, калі прыйдзе на яго бяда?
Цар не ўратуецца мноствам войска; не ўбароніць волата вялікая сіла.
Далёка Гасподзь ад бязбожных, а малітву праведных чуе.
Хто ўхіляе вуха сваё, каб ня слухаць закону, у таго і малітва — мярзота.
І калі вы працягваеце рукі вашыя, Я заплюшчваю ад вас Мае вочы; і калі памнажаеце вы малітвы свае, Я ня чую: вашыя рукі ў крыві.
Таму так кажа Гасподзь: вось, Я навяду на іх бедства, ад якога яны ня могуць выбавіцца, а калі паклічуць Мяне, не пачую іх.
І будуць яны заклікаць да Госпада, але Ён не пачуе іх і схавае аблічча Сваё ад іх на той час, як яны зладзейнічаюць.
І было: як Ён клікаў, а яны ня слухалі, так і яны клікалі, а Я ня слухаў, кажа Гасподзь Саваоф.
а ў кожным народзе той, хто богабаязны і робіць па праўдзе, да спадобы Яму.
Нават некаторыя вандроўныя заклінальнікі Юдэйскія пачалі заклікаць імя Госпада Ісуса над тымі, што былі апанаваныя злымі духамі, кажучы: заклінаем вас Ісусам, Якога Павал прапаведуе.
Гэта рабілі нейкія сем сыноў Юдэйскага першасьвятара Скевы.
Але злы дух сказаў у адказ: Ісуса ведаю, і Павал мне вядомы, а вы хто?
І кінуўся на іх чалавек, у якім быў злы дух, і, адолеўшы іх, узяў над імі такую сілу, што яны, голыя і пабітыя, выбеглі з таго дома.