Госпадзе Божа Ізраілеў! праведны Ты. Бо мы ацалелі да гэтага дня; і вось мы ў беззаконьнях нашых перад абліччам Тваім, хоць пасьля гэтага не належала б нам стаяць перад абліччам Тваім.
Спакойныя намёты ў рабаўнікоў і бясьпечныя ў тых, што дражняць Бога, што быццам Бога носяць на руках сваіх.
Але я да ‹сяўладнага хацеў бы гаварыць і жадаў бы спаборнічаць з Богам.
Чаму беззаконныя жывуць, дасягаюць старасьці, ды і сілаю моцныя?
Дзеці іхнія зь імі перад абліччам ў іх, і ўнукі іхнія перад вачыма ў іх.
Дамы іхнія ўбясьпечаны ад страху, і няма жазла Божага на іх.
Бык іхні апладняе і ня выкідае, карова іхняя зачынае, і ня скідае.
Як статак, выпускаюць яны малечу сваю, і дзеці іхнія скачуць.
Усклікаюць пад тымпан і цытру і весяляцца пад жалейку;
бавяць дні свае ў шчасьці і імгненна сыходзяць у апраметную.
А тым часам яны кажуць Богу: адыдзі ад нас, ня хочам мы ведаць шляхоў Тваіх!
што нам Усеўладны, каб слугаваць Яму? і якая карысьць хінуцца да Яго?
няхай прынясуць горы мір людзям і пагоркі праўду;
няхай судзіць убогіх народу, няхай выратуе сыноў убогага, і суйме прыгнятальніка, —
і будуць баяцца Цябе, пакуль будуць сонца і месяц, у роды родаў.
Ён сыдзе, як дождж на скошаны луг, як кроплі, што арашаюць зямлю;
У дні ягоныя праведнік будзе цьвісьці, і будзе вялікі спакой, пакуль ня спыніцца месяц:
ён будзе валадарыць ад мора да мора і ад ракі да краёў зямлі;
упадуць перад ім жыхары пустыняў, і ворагі ягоныя будуць лізаць пыл;
цары Тарсіса і выспаў даніну яму паднясуць; цары Аравіі і Савы дары паднясуць;
і паклоняцца яму ўсе цары; усе народы служыцьмуць яму;
бо вызваліць ён убогага, што галосіць, і прыгнечанага, што дапамогі ня мае,
толькі глядзецьмеш вачыма тваімі і ўбачыш помсту бязбожнікам.
Як клетка, напоўненая птушкамі, дамы іх поўныя падману, праз гэта яны і ўзвысіліся і разбагацелі,
зрабіліся тоўстыя, тлустыя, пераступілі нават усякую меру ў зьле, не разьбіраюць судовых спраў, спраў сірочых; дабрашчасьцяцца, і справядлівай справе ўбогіх не даюць суду.
Але, Госпадзе Саваофе, Судзьдзя справядлівы, выпрабавальнік сэрца і нутробы! дай пабачыць мне помсту Тваю над імі, бо Табе даверыў я справу маю.
І перадам усё багацьце гэтага горада і ўвесь набытак яго і ўсе каштоўнасьці яго, і ўсе скарбы цароў Юдэйскіх аддам у рукі іх, і зрабуюць іх і возьмуць і адправяць іх у Вавілон.
Але са мною Гасподзь, як моцны ваяр; таму перасьледнікі мае спатыкнуцца і не адолеюць; моцна спаганьбяцца, бо рабілі неразумна; паганьбеньне будзе вечнае, ніколі не забудзецца.
Чыстым вачам Тваім неўласьціва глядзець на зладзействы, і глядзець на ўціскі Ты ня можаш. Дзеля чаго ж Ты глядзіш на зладзеяў, і маўчыш, калі бязбожнік паглынае таго, хто праведнейшы за яго,
І сёньня мы лічым пагардлівых шчасьлівымі: лепей уладжваюцца тыя, якія робяць беззаконна, і хоць спакушаюць Бога, але застаюцца цэлыя.