Sonra Allah dedi: «Qoy göyün altındakı sular bir yerə yığılsın ki, quru görünsün». Belə də oldu.
Allah qurunu «yer», su yığınlarını isə «dənizlər» adlandırdı. Allah gördü ki, bu, yaxşıdır.
Suların üstünə bir sərhəd çəkir, İşıqla qaranlığı bölür.
Onun sərhədini çəkdim, Qapı və cəftələrini qoydum.
O vaxt dedim: “Buraya qədər gəlib o tərəfə çıxmayacaqsan, Qürurlu dalğaların burada dursun”.
Odur ömür boyu səni bərəkəti ilə doyduran, Səni təzələyib gənc, gümrah qartala oxşadan.
Həmişə töhmətləndirməz, Qəzəbi sonsuza qədər sürməz.