Doklar bir döwüm çörek üçin günlükçi boldular, açlar bolsa doýdular. Önelgesiz aýal ýedi çaga dogurdy, köp çagaly aýal perzentsiz galdy.
Garyplaryň ezilişinden, mätäçleriň ahyndan ýaňa Reb şeýle diýýär: «Men şu pursat turaryn, olary küýseýän howpsuzlygyna gowuşdyraryn».
Hudaý ýalňyzlary öýli-işikli edýär, tussaglary azatlyga çykarýar; pitneçiler bolsa jöwzaly ýerde ýaşaýar.
Reb ezilenleriň ählisi üçin berjaý edýär hak-adalaty.
Rysklaryny wagtynda berersiň diýip, olaryň bary Saňa garaşýar.
Çünki Ol teşne jany gandyrýar, ajygany näz-nygmatdan doýurýar.
Olar garaňkylykda we tümlükde ýaşady, zynjyrlara, jebir-jepa baglandy.
Hökmürowan Rebbiň Ruhy üstümdedir. Garyplara hoş habary bildirmegim üçin, Ol meni seçip-saýlady; göwni synyklara şypa bermäge, tussaglara azatlygy yglan etmäge, zyndandakylary boşatmaga iberdi meni.