Книга Исход Cтих 23 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Исход Ветхий Завет

Новый Завет

От Матфея

От Марка

От Луки

От Иоанна

Деяния

Иакова

1. Петра

2. Петра

1. Иоанна

2. Иоанна

3. Иоанна

Иуды

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Откровение

Ветхий Завет

Бытие

Исход

← Предыдущая

Исход

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40

Исчи гал кӕнӕ фыс куы адава, ӕмӕ йӕ куы аргӕвда, кӕнӕ йӕ куы ауӕй кӕна, уӕд иу галы ныхмӕ бафиддзӕни фондз галы, иу фысы ныхмӕ – цыппар фысы.

Исчи хӕдзар къахгӕ куы баййафа хуыснӕджы, куы йӕ ныццӕва ӕмӕ йын куы амӕла, уӕд йӕ марӕг азымджын нӕу.

Кӕд хабар боныгон ӕрцыд, уӕд йӕ марӕг азымджын у. Кӕд хуыснӕг удӕгасӕй баззайа, уӕд бафидӕд, цы адавта, уымӕн йӕ аргъ. Фӕлӕ йӕ цӕмӕй бафида, уый йӕм куы нӕ уа, уӕд, цы адавта, уый бафидыны тыххӕй йын ауӕй кӕнӕнт йӕхи.

Цы адавта, уый йӕхимӕ удӕгасӕй куы разына, – гал уа, хӕрӕг уа, фыс уа, – дывӕрӕй йын бафидӕд йӕ аргъ.

Исчи йӕ фосы иннӕйы хуыммӕ кӕнӕ сӕнӕфсирдонмӕ куы бауадза, ӕмӕ фос хуымӕн знаггад куы ракӕна, уӕд ын ӕй бафидӕд йӕхи хуымы хуыздӕр хорӕй ӕмӕ йӕ хуыздӕр сӕнӕфсирӕй.

Исчи арт куы скӕна, ӕмӕ йын какон сындзмӕ куы баирвӕза, ӕмӕ искӕй мӕкъуылтӕ, кӕнӕ хуымы иу хай, кӕнӕ хуым ӕнӕхъӕнӕй куы басудза, уӕд сӕ бафидӕд арт скӕнӕг.

Исчи иннӕмӕ ӕхца кӕнӕ исты дзаумӕттӕ нывӕрынмӕ куы ратта, ӕмӕ сӕ уымӕн йӕ хӕдзарӕй куы адавдӕуа, ӕмӕ хуыснӕджы куы ссардӕуа, уӕд сын хуыснӕг сӕ аргъ бафидӕд дывӕрӕй.

Фӕлӕ хуыснӕг куы нӕ рабӕрӕг уа, уӕд хӕдзары хицау ӕрлӕууӕд Хуыцауы раз ӕмӕ ард бахӕрӕд, кӕйдӕр мулк йӕхӕдӕг кӕй нӕ адавта, уый тыххӕй.

Галы, хӕрӕджы, фысы, дарӕсы, кӕнӕ исты дзаумайы фӕдыл быцӕу куы рауайа, ӕмӕ «мӕн у» исчи куы зӕгъа, уӕд дыууӕ быцӕугӕнӕджы хъуыддаг лӕвӕрд ӕрцӕуӕд Хуыцаумӕ. Хуыцау кӕй базылын кӕна, уый иннӕмӕн бафидӕд дывӕрӕй.

Исчи йӕ хӕрӕджы, кӕнӕ йӕ галы, кӕнӕ йӕ фысы, кӕнӕ ӕндӕр искӕцы фос кӕйдӕр ӕвджид куы ныууадза цӕст сӕм фӕдарынмӕ, ӕмӕ фос куы амӕла, кӕнӕ куы фӕсахъат уа, кӕнӕ йӕ куыд ничи фена, афтӕмӕй йӕ куы атардӕуа,

Уӕд сӕ дыууӕйы быцӕу лыггонд ӕрцӕуӕд Хуыцауы раз ард бахӕргӕйӕ; фос цӕст фӕдарынмӕ чи райста, уый хъуамӕ ард бахӕра, иннӕйы мулкмӕ кӕй нӕ фӕныхылдта, уый тыххӕй. Фосы хицау ын хъуамӕ баууӕнда йӕ ныхасыл, ӕмӕ йын уӕд иннӕ нӕ бафиддзӕни.

Фӕлӕ йын ӕй исчи лӕгдыхӕй куы атӕра, уӕд бафидӕд фосы хицауӕн.

Кӕд сырды амӕттаг баци фос, уӕд равдисӕд, цы ма дзы баззад, уый, ӕмӕ йын фидинаг нӕ уыдзӕн.

Иу иннӕмӕй фос ӕфстау куы райса, ӕмӕ фосы хицау йемӕ куы нӕ уа, афтӕмӕй фос куы фӕсахъат уа, кӕнӕ куы амӕла, уӕд ын йӕ аргъ бафидӕд.

Фӕлӕ фосы хицау кӕд йемӕ уыди, уӕд ын ӕфстаурайсӕг хъуамӕ ма бафида. Кӕд ын йӕ фос ӕхцайӕ баххуырста, уӕд ын, цы бафыста, уымӕй уӕлӕмӕ фидын нал хъӕуы.

Куырдуаты чи нӕ бадт, ахӕм чызджы искӕцы нӕлгоймаг куы афӕлива ӕмӕ йемӕ куы ӕриу уа, уӕд бафидӕд ирӕд ӕмӕ йӕ ракурӕд.

Фӕлӕ фыд йӕ чызджы уыцы лӕгӕн раттыныл куы нӕ сразы уа, уӕд чызджы афӕливӕг ӕхцайӕ бафидӕд, чызджы тыххӕй цас ӕмбӕлы, уыйбӕрц ирӕд.

Кӕлӕнгӕнӕджы удӕгасӕй ма ныууадзут.

Фосымой чидӕриддӕр уа, уый амарут.

Ӕндӕр хуыцӕуттӕн, иунӕг Хуыцауӕй фӕстӕмӕ, нывонд чи хӕссы, уыдоны фӕцӕгъдут.

Ӕрцӕуӕггаджы ма хъыгдарут ӕмӕ ма ӕфхӕрут; уымӕн ӕмӕ уӕхӕдӕг дӕр мысыраг зӕххыл ӕрцӕуӕггӕгтӕ уыдыстут.

Ма хъыгдарут нӕдӕр идӕдз усы, нӕдӕр сидзӕры.

Куы сӕ бахъыгдарат, ӕмӕ Мӕм уыдон ӕххуысмӕ куы сдзыназой, уӕд сын Ӕз фехъусдзынӕн сӕ дзыназын,

Параллельные места

От Луки 18:7

Иакова 5:4

Уӕдӕ Хуыцауӕн ӕхсӕвӕй-бонӕй лӕгъстӕ чи кӕны, Йӕ уыцы ӕвзӕрстыты нӕ бахъахъхъӕндзӕн, ӕви? Мыййаг, афтӕ бакӕндзӕн, ӕмӕ Йӕм бирӕ ӕнхъӕлмӕ кӕсой? Уӕ хуымтӕ уын чи ныккарста, уыцы кусджыты мызд уӕхи бакодтат, ӕмӕ уыдон ӕрдиаг кӕнынц хъӕлӕсыдзагӕй. Хор бафснайджыты ӕрдиаг сыхъуысти Хицау Саваофмӕ.

Ӕмӕ смӕсты уыдзынӕн, фӕцӕгъддзынӕн уӕ цирхъӕй, ӕмӕ уӕ устытӕ уыдзысты идӕдзтӕ, уӕ сывӕллӕттӕ – сидзӕртӕ.

Мӕ адӕмӕй искӕцы мӕгуырӕн ӕхца ӕфстау куы раттай, уӕд ӕй ма схъуырмӕ кӕн, стӕй дзы фылдӕр ма бадом.

Искӕй дарӕс цъынды куы райсай, уӕд ын ӕй фӕстӕмӕ ратт, цалынмӕ хур нӕ аныгуылд, уӕдмӕ.

Уымӕн ӕмӕ йын йӕ буар бамбӕрзынӕн ӕмӕ йӕ уӕлӕ скӕнынӕн ӕндӕр ницы ис. Ӕмӕ куы схуысса, уӕд йӕхи цӕмӕй бамбӕрздзӕн? Уый Мӕм ӕххуысмӕ куы сдзыназа, уӕд ӕй фехъусдзынӕн, уымӕн ӕмӕ Ӕз фӕлмӕнзӕрдӕ дӕн.

Хуыцауы ма ӕлгъит, адӕмы хицӕутты ма ӕфхӕр.

Уӕ мусӕй фыццаг хор ӕмӕ уӕ сӕндуцӕнӕй фыццаг сӕн ӕвӕстиатӕй хӕссут Мӕнӕн; уӕ хистӕр фыртты дӕттут Мӕнӕн.

Афтӕ бакӕнут уӕ родӕн дӕр ӕмӕ уӕ уӕрыккӕн дӕр. Авд боны уӕд йӕ мадимӕ, ӕстӕм бон ӕй раттут Мӕнӕн.

Сымах Мӕнӕн нывонд адӕм стут. Сырд быдыры цы цӕрӕгойы ныттона, уымӕн йӕ фыдӕй ма хӕрут – куыйтӕн ӕй раттут.

← Предыдущая

Исход

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40

Выбор основного перевода